top of page

Ëndërr e bardhë borë




Ëndërr e bardhë borë

Nga Fatmir Terziu


E gjitha shkon në një pikë

pastaj vetëm pikë

pikë

pikëz…

ndjek retë tinëz e qielli tkurret

tkurret përsëri

në ndjesi

në sy

mbetesh vetëm Ti e bardhë borë

derisa më tretesh e tëra në gojë.


Dhe unë

të korrigjoj duke menduar akoma më shumë,

mbrolën që zbret si një alarm,

pastaj vendos një damkë,

të mas forcën e frymës në çdo rast,

meteorë që bien, muskuj zanorë që çirren,

kuajt dhe era,

kaçurrelat e dendura që shpërdridhen,

dhe mjaft ngjyrime që rrethsillen,

në një pikë,

një pikë,

një pikëz…

dhe unë vazhdoj të të shoh tinëz

në një udhë të madhe plot meteor

ku shkuljet zhurmojnë, dhimben, përmallen,

me zërin e tyre hyjzor.


E pastaj me dihatje

mas litarë të hollë e të trashë

rënien e ujtë dhe përplasjet si bisha

pastaj qielli tkurret,

tkurret,

tkurret më shumë,

kur të shoh gëzohem,

bërtas në gjumë,

me sytë hapur

shoh se bëhemi si shkumë

mbi dy dete,

mbi një lumë…


…e unë jam në kulmin e dritës

tres në një pikë,

pikë

pikëz…

me një llampadar

bulëza solemne të stolisura që harlisen

me shiun që na lag.

8 views0 comments

Comments


Shkrimet e fundit

fjalaelireloadinggif.gif
bottom of page