Ç'është për ty ATDHEU?


Ildije Xhemali

GJYSH e NIP

( për fëmijë)

Për KONKURSIN kushtuar fëmijëve

Pse këtë hartë, shpesh

Mban o gjysh, në dorë

Dhe shikimin tretur tej

Sikur diçka të thotë

-Pa lexo ç'shkuhet lart?

"Shqipëria Etnike "

-Amaneti i tim eti

Një copë misërnike"

-Po kjo s' është një e tërë

E rrethuar nga çdo anë

Shqipja Ime, Zonj' e rëndë

Ndriçon si margaritar

-Do të udhëtosh në dije

Historis' t'i hysh në gji

Drejt, mirë do ta kuptosh

Me Shqipen ç'padrejtësi

E kemi dashur Evropën

Me gjak e lamë tokën

Si për vete dhe për miq

Të detyruar vuaj e ik

-Tani janë ndritur mëndjet

Vetëm kush nuk do të shoh

Bijen kufijtë e muret

Vllai vllanë ndihmon fort

-Dhe në sy po më pe lot

Ndjehem plak dhe i pazot

Të jem mik në ato troje

Ku shqiptari ndjehet zot

"Të jap Besën, o gjysh

Kur të rriten edhe pak

Bashkë ne si turist

Mysafir tek i yni gjak"

"Shqipet takojm' n'Dardani

Plav', Guci e Mal Të Zi

Medvegjë e Bujanoc

Preshevë, Maqedoni

Plagëmadhen Çamëri

Ç'është për ty ATDHEU ?

Nga ju dua veç një fjali

Xhevahir, me plot stoli

Nisa të lexoj e qetë

Ç'ishte qëndisur n'dlirat fletë

Zemra jo, s'më bindej lehtë

-Të zhbiroj në lashtësi .

-Të udhëtoj në histori

- Mbi çdo fe ,Ti, ATDHE .

- Të nderoj, të derdhurin gjak

Besnik Flamurit me zhgabë.

-Gjuh' e nënës: Diell, Hënë

Kryevend në zemër zënë.

-Kushdo t'lexoj KRENARINË

Për timen, SHQIPTARINË.

-Jam Toskë e Gegë trim

S'bëj dallim në gjakun tim.

- Unë e SHQIPONJA jemi Nji

Plagën thellë mbajm ' në gji.

Do t'shijojm' t'shenjtën LIRI

Kur tej t'hedhim çdo kufi

Kryer AMANETI , me gjak larë

Ballëlart ndër të barabartë.

Poezi nga permbledhja me poezi.

LEXUES i heshtur

Litari po mblidhet, nëna po plaket

Shpejt a vonë mbyllen kapaqet

Nuk ka librezë (bankare) a pasuri

Por ca fjalë të urta e ca poezi

Margaritar' s'jan' vargjet e mi

Bëhen të tillë kur janë për Ty

Dashurinë falur sa pate mund'si

Pendime, BIR, kurrë mos ki

Shpesh dëshiroj të flas me time më

Dhe Ti do t'përjetosh t'njëjtën gjë

Ajo m'i thjeshtoi vështirësit' mua

U mundova të t'i lehtësoj të tuat

I lodhur, munduar si kalorës jete

Peshën e dhimbjes mos mba mbi vete

Hidhe mbas shpine, gëxoje jetën

Gëzo familjen, si nektari bletën

Me syrin e zemrës e kokën e thinjur

Do shuash mallin në vargun e thurur

Herë shkruar shpejt a me kujdes

LEXUES i heshtur, gjith' sy e vesh.

24 views

Shkrimet e fundit