Nga Sabit Rrustemi
Zoti nuk thotë
Harroje
As Zemra
Një det ndjenjash
Qepet Çepurit
Po rruga përpjetë
Deri në Kodër
Shtigjet zik - zake
I ka mbuluar dushku
Bari i ri
E paecura ime
Vonohet për pak
Atë që e dua
E ruaj në vete
Edhe kur më ikën me mëngjes
Edhe kur më kthehet
Rrallë e përmallë
Përmes ndonjë ëndrreje
Lutjet nuk kryejnë punë më
Nëse nuk lëviz drejt teje
Më shkel dhe kjo kohë
E dashur
Po e deshe malin
Qe ku jam
Po e lype detin
Qe ku e ke
Në shpirtin tim
Dhe mua të tërin
Diku thellësive të tua
Të paprekura
Ç' mund të të ofroj më shumë
Pos shpirtin tim
Të rinuar prej dashurie
----------
( Nga libri në proces botimi: HYJNORJA IME JE TI, vëllimi i parë )