(sonet)
Në mes të arës i lodhur ri shtrirë,
Mbi ballë gdhendur dy brirë.
Djersa e shkumbëzuar në qafë e gjoks,
Krekoset, Zemërmadhi, porsi perandor!
Hiç s'do t'ja dijë nga mizat mbi hundë,
as nga zgjedha që i bën ndonjë xhungë.
Sytë e shikëllta lëshon mbi brazda,
Dheun frymon e thurr rrjetën vlaga.
Bëzzzz! mërjel'e zekthit e pickon,
ai hyn në betejë me bishtin xhufkor.
Ortek nëpër ara, shemb e korie,
një kurrorë lajthishtash trofe trimërie!
Fut qafën në zgjedhë e...oh sa paqësor,
Krekoset, Zemërmadhi, porsi perandor!
1983-2021