Në hapat e shoqatës shqiptare „Mother Tereza-Albanian Union“
Fatmir Terziu
Një video e realizuar trembëdhjetë vite më parë, Në hapat e shoqatës shqiptare „Mother Tereza-Albanian Union“ që drejtohet nga një grup aktivistësh dhe vullnetarësh me në krye Dr. Zamira Përfundi Ruspi, natyrshëm më zgjoi dëshirën për të shkruar pak më shumë në lidhje me atë që kjo shoqatë ka bërë, ndikuar dhe frymëzuar në vitet e ekzistencës së saj në mesin e komunitetit shqiptar. Pikërisht në këtë ngacmim, me një meorje të pastër sjell ditët e para të krijimit të kësaj shoqate disa vite më parë në një mjedis të një godine, pronë e një komuniteti tjetër, por që në ditën e parë të ardhjes në jetë, anëtarët e kësajshoqate sollën gare, gëzim, optimzëm, projekte, ide dhe në të njëjtën kohë u bënë një urë lidhëse me atë komuniet e me shumë të tjerë që morën pjesë aty.
Me njëherë një nga projektet e para të kësaj shkole ishin shkollat suplementare në gjuhën e bukur shqipe. Duke ditur se shkollat plotësuese ofrojnë mundësi arsimimi me kohë të pjesshme për fëmijët dhe të rinjtë, kryesisht nga komunitetet dhe pakicat etnike, në Londër, për zonën ku shtrihej kjo shoqatë dukej si një shkëndijë e madhe dhe një pritshmëri mjaft e ndjeshme. Dhe kështu Arsimi plotësues i kësaj shoqate natyrshëm mund të përkufizohet si i gjithë mësimi jashtë shkollës. Në veçanti, klasat u fokusuan në ofrimin e mbështetjes shtesë për lëndët e kurrikulës duke përfshirë të gjitha gjuhët, historinë dhe aktivitetet pasuruese kulturore si besimi, artet dhe sportet. Shkollat plotësuese ofruan këtë gamë të mbështetjes arsimore (gjuhën, programin bazë, besimin dhe kulturën) jashtë ditës së shkollës (dhe për këtë arsye ndonjëherë ata u referuan si mjedise jashtë shkollës) dhe brenda kontekstit të një etnie, kombëtare, besimi, ose besimi specifik. bashkësia fizike. Ato u themeluan dhe u menaxhuan nga anëtarët e komunitetit, përgjithësisht mbi baza vullnetare. Si organizata me bazë në komunitet, ato vepruan si pika thelbësore informacioni dhe avokimi për të rriturit dhe fëmijët. Kështu nxënësit, të rrinjtë dhe më tej edhe disa prindër në nevojë për gjuhën iu bashkuan asaj që në Angli është një masë prej 3000-5000 shkollash të tilla.
Ndërsa kemi ndjekur në kohë të ndryshme këto shkolla, natyrshëm kemi dëgjuar dhe vlerësime nga minibashkitë ku kjo shoatë operon, nga shkollat ku ajo ishte dhe ka qenë e vendosur, nga profesionistë të këtyre shkollave, kurrikulave, vizitorë dhe inspektorë të programeve nga vendi dhe nga Atdheu e mjaft të tjerë. Edhe mjaft prindër kanë shprehur mendimet etyre pozitive për këtë shoqatë, shkollat e saj, aktivitetet dhe projektet që shkojnë deri tek kualifikimi i asistentëve ligjorë të mësuesissë. Për këtë kjo shoqatë ka projektet e saj në vazhdim.
Sipas mendimeve të grumbulluara, intervistave dhe opinioneve të shumta, më shumë se një e treta e njerëzve të përfshirë përjetojnë ndjenjën e tyre më të madhe të përkatësisë kur janë në punë, angazhim, aktivizim me komunitetin e të tjera. Kjo është më shumë se sa ata ndjejnë në vendin e tyre të adhurimit, ose në lagjen e tyre, dhe e dyta pas ndjenjës së përkatësisë që ndiejnë në shtëpinë e tyre, apo në mjedisin komunitar, që shkon deri në gjashtëdhjetë përqind. Ky është një detyrim mjaft i mahnitshëm kur mendojmë se në Hierarkinë e Nevojave të Përditësisë, "përkatësia" vjen në vendin e tretë, e ndjekur vetëm nga kërkesat themelore fiziologjike dhe të sigurisë. Nevoja për t'u përkitur, pra për tu integruar, për të qenë aktivë në mbajtjen gjallë të traditave dhe vizioneve të ndryshme, ideve dhe projekteve integruese dhe kulturore e më gjerë festive, ka qenë gjithmonë një pjesë e gjendjes aktivizuese të kësaj shoqate. Duhet theksuar se kjo shoqatë, sikurse dhe mjaft të tjera, operon në grup, me mendimin e të gjithëve, dhe natyrshëm në shërbim të shumicës përfshirëse në një krizë festive të viteve që lamë pas me pandemi dhe Covid - 19. Dhe në pas-krizën tonë aktuale, kjo nevojë është bërë edhe më e madhe dhe më e ndjerë. Kjo është arsyeja pse festimet e komunitetit në këtë shoqatë kanë marrë një rëndësi të përtërirë brenda kontekstit të ideve dhe gjithëpërfshirjes.
„Kur festojmë“ – thotë Dr Zamira Përfundi Ruspi, - „aktivitetet në grup në të gjithë familjen tonë të angazhuar, edhe nëse u bënë në një format virtual, kultivuan eksperienca, dhe ne ende kultivojmë përkatësinë në një fuqi vullnetare të larmishme, ndërkohë që u mundësojmë aktivistëve dhe komunitarëve të bashkohen dhe të rriten si një ekip.“ Por, përveç atyre festiviteteve që njihen në salla e dana të caktuara, cilët janë disa shembuj të festimeve të komunitetit të kësaj shoqate?
Edhe pse ato mund të jenë ishin, sikurse u tha, virtuale për shkak të pandemisë, festimet e komunitetit „Mother Tereza-Albanian Union“ që drejtohet nga një grup aktivistësh dhe vullnetarësh me në krye Dr. Zamira Përfundi Ruspi, në thelbin e tyre kanë të bëjnë me ndarjen e ngjarjeve të gëzueshme në të gjithë anëtarët si një organizatë. Shembujt përfshijnë daljet në ekip, festimet e festave, ngjarjet bamirëse, projektet e përgjegjësisë sociale, ndërtimin e ekipit jashtë mjedisit të zakonshëm, klubet e drejtimit, festivalet dhe më shumë ditëlindjet, arritjet e të rrinjve, dekorimet, certifikatat dhe pozitivitetet e shumta.
Por si mundet që shoqata „Mother Tereza-Albanian Union“ që drejtohet nga një grup aktivistësh dhe vullnetarësh me në krye Dr. Zamira Përfundi Ruspi, të bëjë të mundur që e gjithë familja e saj të funksionoj si një model, të ndajë dhe të festojë ngjarjet e komunitetit? Shumë organizata të klasit i janë drejtuar një zgjidhjeje angazhuese dhe gjithëpërfsirëse, dhe me këtë modeli është zgjeruar tek kjo shoqatë, që natyrshëm angazhon mjaft të tillë, biznesmënë, intelektualë, aktivistë, profesionistë e të tjerë. Kjo gjithëpërfshirje e bën punën më të mirë dhe më të ndjeshme, më entuziaste.
E bën më gjithëpërfshirëse, pasi vetë kuptimi saj është një vendimmarrje kolektive. Mbi këtë ligjshmëri është Bordi Drejtues në vite. Ai që në fakt ka dhënë mrekullisht modelin e një funksioni mjaft të mirë organizativ. Kontributi, përkushtimi, dedikimi dhe angazhimi sa intelektual, aq dhe profesional i intelektualit të mirënjohur, Aqif Neli, (Chair) në rolin e Kryetarit të Bordit të kësaj shoqate ka dhën gjithnjë një model të ndjeshëm. Po kështu puna e papërtuar e financieres dhe mbajtëses profesionale të llogarive të shoqatës, profesionistes, që punon në kompani të mirënjohura britanike, Liljana Hoxha (Treassure), e mëtej të sekretares së kësaj shoqate, Hanke Cecja, e mjaft mësuesve dhe mësueseve të kësaj shoqate janë në atë që vetë komuniteti e thotë mjaft bukur punëshumë dhe fjalëpak. Janë emrat që nderojnë komunitetin duke punuar me kohë të plotë në shkollat angleze dhe duke dhënë kontribut në shkollat e arsimit plotësues sikurse janë Kristina Leka, Flora Farruku, Shqipe Dakoli, Dallandyshe Hoxha. Duhen përmendur gjithashtu edhe kualifikimet e suksesshme në projektet e mëparshme nga „Mother Tereza-Albanian Union“ e të gjithë emrat e tillë si Lavdie Laçi, Mirela Bani, Elda Bici, Monda Vani, Rovena Gjoka, Leonora Gashi, dhe shumë të tjera, që sot punojnë në shkollat angleze me kohë të plotë.
Vëmendje nga kjo shoqatë i kushtohet edhe Projektit të tanishëm, ku rreth 25 vajza dhe gra po ndjekin kurset e ptrshtatshme për të punuar në shkolla, nga ku përmendim Elisabeta Bushati, Inesa Molla, Xheno Bushi, Sherife Dumani, Meli Pllana, Miranda Gjoka, Rolanda Molla, Rozeta Dedja, Kozeta Qehaja, Daniela Tolli, dhe shumë të tjera.
Prandaj në përgjigjet e të tjerëve, aktivistëve dhe të përfshirëve dëgjojmë qartë dhe hapur se „Mother Tereza-Albanian Union“ është në rritje e sipër dhe përqafon një model që duhet respektuar, edhe kur zhvillon aktivitetet vetëm, edhe kur përfshihet në një rrjetë të përbashkët shoqatash. Nuk duhet harruar se në ecurinë pozitive të kësaj shoqate, në hapësirën pozitive të saj një falenderim duhet dhe për familjet e të angazhuarve, për të gjithë e në veçanti, për fëmijët dhe bashkëshortin e Dr Zamira Përfundi Ruspi, Profesorin Hysen Ruspi, që gjithnjë është aktiv dhe i gjithëpërfshirë.
E lënë jo më kot për në fund është dhe ajo që tashmë është ndoshta thelbi i mjaft ecurive që kjo shoqatë ka shënuar në projektet dhe realizimet e saj. Mjaft nxënës, që dikur ishin të shkëlqyer me rezultatet e tyre në shkollat angleze, në të njëtën kohë mbajtën ndezur angazhimet, projketet dhe përkushtimin e tyre duke ndjekur mësimet e Gjuhës Shqipe, në shkollën suplemetare të kësaj shoqate. Ata vetë u përfshinë, duke ideuar dhe interpretuar këngët dhe vallet më në zë të traditës shqiptare. Sot nxënësit e tillë dhe modele për brezat që vijnë, thkeson Dr Zamira, "janë diplomuar në Universitetet e ndryshme britanike, si Hygerta Cecja në Financë, Tara Neli në degën Interior Design, Ana Dakoli në degën Juridike, Bleona Farruk ekonomiste, e mjaft e mjaft të tjera që kanë studiuar në disa universitete prestigjioze të Mbretërisë së Bashkuar. Gjithashtu brezi më i ri i kësaj shoqate përfaqësohet dhe nga disa studentë të shkëlqyer si Xhoana Hoxha, Daniel Dakoli, Leo Neli, Genario Hoxha, Dafina Farruku, Adela Hoxha, dhe disa të tjerë. "
Tashmë duke shkuar nga fundi i këtij shkrimi, Drejtuesja e kësaj shoqate Dr Zamira Përfundi Ruspi shton se „ne e ndjejmë me vend që në këta pesëmbëdhjetë vite përkushtimi e gjitha nuk është thjesht arritje, por e ndjeshme, e prekshme, sepse i kemi para syve tanë rezultatet dhe të gjitha arritjet“. Dr Zamira thekson se „prandaj edhe tema e Festës së Flamurit“ për këtë vit ishte „Festojmë mes aritjesh dhe suksesesh“. Sipas Zonjës Ruspi „kjo u organizua në „St Augustine School“, ku 20 vite më parë fëmijët tanë i regjistruam që më pas të kenë rastin të bëhen inxhinierë, mësues, ekonomistë, gazetarë, shkencëtarë, biznesmenë, pedagogë, dhe profesorë në universitete. Sot, shton zonja Ruspi, „St Augustine School“ ka hapur dyert për shkollat suplementare që fëmijët e brezat që vijnë të mësojnë më tej gjuhën shqipe, traditën, kulturën dhe aty edhe prindërit e tyre të trajnohen dhe të marrin leksione për tu përgatitur që të jenë gati të konkurojnë dhe kontrbuojnë në jetën britanike. Në fund Dr Zamira është mirrënjohëse dhe shpreh respektin e saj për shoqatën që drejton dhe për të gjithë shoqatat e tjera të komunitetit shqiptar në MB.
@copyright #fjalaelire #albanianpostuk