Iku e kjo mbrëmje.
Afron çast'i gjumit,
Dielli nën ujë është fikur qëkur.
Në dyshekun magjik me Kashtën e Kumtrit,
Tjeret ëndrra, filluar dikur.
Iku e kjo mbrëmje.
S'la vegim të largët,
E nesërmja sjell të ngjashmen e saj.
Sërish do prekemi siç preken plagët,
E dielli do shuhet në të ujshmin skaj.
Qetë e pa bujë iku e kjo mbrëmje.
Dallgët e ëndrrës më degdisin larg.
Në gjumin e shurdhët shëtis me ëndje,
Herë i ndrojtur,
herë djalosh i prapë!…
Florida, 2009-2021