Kushtuar kush djersën,
gjakun s'' e kurseu për këtë KOMB
Kur t' më përcillni
nga ju
të ndahem
përgjithnjë
këngë dhimbjeje
mos më vini
se do të ndodh
ndonjë çudi.
Nga arkmorti
mund të zbres
qetë e qetë
edhe serbes
dhe ta heq vallen ngadalë.
merak
t' mos më mbes'.
As këngë trimërie
se gjaku
do t' më vlojë
do t' ju kërkoj dyfek
të hidhem në hendek
me dushmanin shekullor
të ndeshem, të luftojë.
Shpesh me vete
jam grindur
dhe i kam kërkuar
llogari
"Punove për vete
për familje"
ç' bëre për Shqiptari?!
Në muzeum,
dekorata trimërie
për të parët e mi
ndoshta
s'do të gjeni
dhe s' kam zili.
Turp s' më lanë,
lidhur me tokën,
me dhënë e dhi.
Gjakun në mikroskop
po t' ma shihni
do të gjeni:
djersë, punë
e pastërti.