KËNGËT E LENO( ELENI) DUKES (DEDI)
O DIVIT, MORE DIVIT
O, Divit, more Divit,
Ç’mu bë nata sa një vit..
Sa një vit le të bënet-o,
Ta puth nusen apo jo?
Puthe, puthe kadale,
Se të bënetë xanxare,
Të ikën nga stroma * fare.
__________________
Stroma – dysheku
KËNGA E GJINO VAKUT
Gjino Vaku trim i mire,
Në moshë të djalërisë,
Ç’faj kish bër’perëndisë?
Poqi një palë krushq nd’udhë,
Krushqit i vrau e i preu
Edhe nusen ua rrëmbeu.
Mori udhën edhe iku,
Poqi një manastir’nd’udhë,
Vate të vinte kurorë.
Fryu një erë e një furtunë,
Gjithë kandilet i shoi,
Gjithë kartërat i sosi*
Priftëritë i marmarosi*
Kallogretë i vuvosi.
Mori çupënë për dore,
Vate në hije gorice
Dhe nisi po e pyet.
- E kujt je ti moj bijë?
Jam e motër e Gjino Vakut,
Dhe mbes’ e qir* dhespotit..
- Ne jemi motr’ e vëlla,
Ndaj u bë këjo hata.
__________________
* I sosi – i grisi, i zhduku,
* I marmarosi – i ngriu, i bëri mermer.
* Qir, gr.- zotëri