HALIMI I TRETË
I madhërishëm dhe i shenjtë, unë jam Halimi i tretë,
Sundimtari i Sunduesve.
Këtu në duart e mia të bardha
Fillon mëngjesi i popullit tim.
Çdo moment që marr frymë
Bart ngrohtësinë time te virgjëreshat e panjohura;
Në vazhdimësinë time zbulova
Shijen e kohës.
Bota si dimensione
Varet nga periudha ime.
Në paqen e trupit tim
Kështjellat gjejnë qetësinë e tyre.
Lirova poezinë, shkencën, fitoren
Në vazhdën e shqiponjave të mëdha.
Në dete dhe në tokë,
Le të gëzohen brezat.
Qielli, e errëta dhe bluja
Janë të destinuar për kokën time,
Për gjakun tim të pambarimtë
Dashuria ime është një paralele e pafund.
PËRKTHEU: FATMIR TERZIU