Newsletter
Email:
Poll: Letërsia
Cili është lloji juaj i preferuar i letërsisë?
Home | TREGIME | Nea

Nea

Font size: Decrease font Enlarge font
image Alda Taçe Shpata

Nea 

Alda Taçe Shpata

 

E gjenim mes nesh sa herë .

Donte Zoti që ajo nuk kishte fytyrë , donte Zoti që ishte koncept . 

Kur e donim ia fshihnim botēs se ishte turp , kur nuk e donim ia fshihnim vetes , se për t'ia fshehur tjetrit ishte tepër . 

Ajo ishte shumë e freskët , madje aq shumë saqë të kujtonte fundin që vinte pa mēshirë , mua ma kujtonte dhe e mbaja veten disi , kur ta shfaqte ty ti nuk kufizoheshe dot as për hatër , as pēr hatrin tim . 

E lodhnim veten me atë , kur nuk e doje ti , e doja unë , kur ti e fshihje unë e gjeja , kur ti e harroje unë ta sillja para syve . 

Që kur u lidhëm të dy , u lidhēm të tre . 

Ajo ishte Fari dhe rreziku , ngritja e rënia e njëri-tjetrit . 

Ejona , Nean e kishim gjetur vetëm ne të dy . 

Është çmenduri të jetosh pa të , është njëlloj sikur dhëmbët e tua të ndritshme mos të kenë rrënjë , sikur dhe njëri dhëmb mos të ketë rrënjën e tij të sëmurë . 

Nea mbahet mirë , aq kujdes tregon për veten ireale të saj sa që po mos ta shohim ne të dy do të na shfaqen njollat e thella në trup . 

Nea sillet mirë me mua , më mban të kthjellët , po të lëshoj pak veten ajo ma kujton që është aty , e unë e gjej forcën , është rregull loje . 

Dashuria është mit , ne nuk jemi kuriozë ta studiojmë atë . 

Pa Nean nuk ka dashuri, ajo na mban busullën , rreth saj ekziston mundësia e të qenit bashkë . Jemi të dy se nuk është ajo , në s'do ishte ajo ne nuk do ishim kurrë bashkë . 

Çdo çift ka Nean e tij , pa të nuk je dy asnjëherë , nuk je me dikë , nuk je i lidhur , nuk je i lumtur . 

Nea është sekreti, kush nuk e njeh nuk ka qenë i lumtur asnjëherë . 

Është mundësia e të mosqenit si je, në qoftë se do ishe me Nean unë do isha mijëra universe larg mundësisë tënde . 

Unē e dua Nean , ajo është gjetja jonë , ështē Ejona . 

Unë e vesh me perla Nean , e bëj të pakapshme ngaqë e dua të lartësuar dhe të paarritshme , që të fle e qetë . 

Dhe ti e do  Po nuk merresh me atë, e ke me mua merakun, ndaj nuk lë gjē të lartë pa më veshur, thjeshtë që ajo të jetë, tē jetë mundësia e vetme e krijuar mes mijërash për mos të qenë me mua. 

Secili ēshtē i lumtur kur Nea nuk bëhet reale, në qoftē se ndodh një gjë e tillē bëhemi të zakonshëm dhe mbetemi pa Nean tonë.

Comments (0 posted):

Post your comment comment

Please enter the code you see in the image:

  • email Email to a friend
  • print Print version
  • Plain text Plain text
Rate this article
0
Powered by Vivvo CMS v4.1.5.1
...
Powered by Vivvo CMS v4.1.5.1