Newsletter
Email:
Poll: Letërsia
Cili është lloji juaj i preferuar i letërsisë?
Home | TEMA | Skandal: Heshtja e rektorëve për protestën e studentëve

Skandal: Heshtja e rektorëve për protestën e studentëve

Font size: Decrease font Enlarge font
image Skandal: Heshtja e rektorëve për protestën e studentëve

Skandal: Heshtja e rektorëve për protestën e studentëve

Dr Fatmir Terziu

 

Pse askush nga Rektorët e Universiteteve shqiptare nuk ka guxuar të mbështetesë haptazi protestat studentore? Reagimet për menaxhimin e protestës studentore shkojnë nga presioni për t’a ndaluar (reference Anëtarja e këshillit studentor Shkodër, Melisa Braci, studente e Juridikut është dorëhequr nga këshilli, pasi ky organ nuk iu bashkua protestës. Ajo shprehet se ka pasur presione nga rektori Adem Bekteshi, por protesta do të vijojë dhe do të jetë masive. “Ika nga këshilli për shkak të debateve për protestat. Shumë nga anëtarët nuk ishin dakord që nxënësit të protestonin. Ka pak frikë, por besoj që shkodranët nuk janë frikacakë që të tundohen nga disa kleptokratikë”) në refuzimin e paqartë për të mbështetur dhe për të heshtur për publikun, dhe jo vetëm për atë. Asnjë fjalë, asnjë shprehje, asnjë shenjë, qoftë dhe ndonjë sinjal nga ndonjë rektor. Asnjë!

Asgjë, ndërsa dihet se pozita e rektorit ka qenë, është dhe mbetet kyç për studentët. Dhe studentët e dinë këtë, e respektojnë, por edhe e kundërshtojnë apriori, pos sjelljes së rektorëve të tyre. Ashtu sikurse më herët dhe tani rektorët, po aq dhe pushteti i tyre kanë preferuar të binden vetëm thirrjes së Ministres së Arsimit dhe të heshtin, apo edhe të “pengojnë” disi protestën studentore: “Ministrja Lindita Nikolla zhvilloi injë takim me rektorët dhe dekanët në institucionin që drejton në lidhje me kërkesat e studentëve dhe protestën që po vijon para Ministrisë së Arsimit”.

Dhe zgjedhja është ajo që duhej bërë vetëm në atë kohë për një gjë të rëndësishme, fushatën për zgjedhjen e tyre rektorë, vetëm atëherë duheshin studentët dhe të zgjedhurit e tyre. Pra a i ka tradhëtuar Këshilli i Studentëve, ai që mbështet studentët, dhe me këtë rast ka bërë “lojën e rektorëve?!” Po pedagogë të tjerë, që u ndodhën në kampuse a i kanë shitur studentët e tyre? Nuk duhet besuar se si ndodh në Kamëz: “Disa studentë të Universitetit Bujqësor teksa po niseshin tek protesta para Ministrisë së Arsimit i bënë thirrje nga dritarja një pedagogu që gjendej në auditor që të bashkohej me ta”.

Kështu ofrimi i (jo) mbështetjes për studentët mbetet një element i rëndësishëm për suksesin e profesionit të pedagogut dhe postit të rektorit në këtë demokraci alla-shqiptare. Nga plani real duket se funksionon qartë terminologjia e togjalëshit, që dëgjohet kahershëm:  “nuk është dëshira, as fuqia e mjaftueshme”. Vërtetë kur flitet për traditat, ngjarjet e fundit, tregojnë se kush i përgjigjet protestave me kontraprotestë dhe kush zgjedh për të synuar të ketë më të afërt zemrën e kryeministrit dhe ministres së Arsimit të Shqipërisë. Përpjekjet për të blerë nxënësit, janë vetë një kontraprotestë kundër kolegëve të tyre që kanë ngritur katër kërkesat e të gjithë studentëve, që janë: 

1. Anulimi i pikës 4 të vendimit nr. 288 të majit të 2018 për tarifat për kreditet për lëndët e mbartura (Pika e 4 e vendimit që anulua nga qeveria)

2. Përgjysmimi i tarifës së studimit

3. Përmirësimi i kushteve të konvikteve

4. Bordi i Administrimit të ketë numër të barabartë votash mes fakulteteve dhe Ministrise së Arsimit, duke shtuar një përfaqësues nga studentët në bord.  

Ndërsa pas Tiranës protestat studentore kanë nisur edhe në Korçë, Durrës, Elbasan dhe Shkodër, duket se rektorët dhe disa pedagogë nuk e kuptojnë shumë pse sjellja e tyre përbën një skandal. Pra, në mosreagimin e rektorëve, po aq dhe në tentativën për presione shihet qartë një presion psikologjik, ndoshta kjo heshtje është dhe “këshilla” e tyre për studentët që të emigrojnë, se ata nuk kanë asnjë dëshirë për t’i mbështetur kërkesat e tyre. Ndërkohë, rektorët e universiteteve, që kanë zgjedhur të heshtin për kërkesat dhe protestën e studentëve e bëjnë akoma më të ligjshëm zërin dhe veprimin irritues të protestuesve studentë: “Studentët kanë hedhur letra higjenike, bidona, lapsa dhe vezë drejt godinës së Ministrisë së Arsimit, të revoltuar, pasi pretendojnë se u janë bllokuar valët e internetit, ndërsa kërkojnë reagim dhe plotësimin e katër kërkesave të tyre”.

Kjo heshtje, këto fakte, vetëm duke injoruar kërkesat e studentëve, për të cilat vazhdon protesta studentore në Shqipëri, ndoshta na jep me shpresë, të kuptojmë se rektorët do të lavdërohen fort nga Qeveria e Ramës, madje do të jenë nesër pjesë e listave për deputetë të Parlamentit. E meqë ra fjala, sigurisht çdo rektor i tillë do të vendosë dhe cilat janë “prioritete” të fushave profesionale?! 

 

Comments (0 posted):

Post your comment comment

Please enter the code you see in the image:

  • email Email to a friend
  • print Print version
  • Plain text Plain text
Rate this article
5.00
Powered by Vivvo CMS v4.1.5.1
...
Powered by Vivvo CMS v4.1.5.1