Newsletter
Email:
Poll: Fjala e Lire
Si ndiheni tek Fjala e Lire?
Home | PROZE | GJIROKASTRITJA

GJIROKASTRITJA

Font size: Decrease font Enlarge font
image Fatmir Terziu

QIELLI E KISHTE DËGJUAR LUTJEN TUAJ

 

Fatmir Terziu

Bukuroshi, një rinosh me shumë hijeshi, elegancë dhe pak gjykim, pasi ka shpenzuar paratë e tij sa majtas dhe djathtas, duke blerë madje dhe një makinë mjaft të shtrenjtë me kredi, një ditë e gjen veten të paaftë për të paguar faturën e madhe të borxheve. Dhe kështu ai rrezikon jo vetëm të humbasë të gjitha, por dhe të përfundojë në duart e drejtësisë.

Për shkak të mllefit me të drejtë të babait të tij, ai i bën thirrje xhaxhait të tij:

“I dashur xhaxha, nëse mund të përtypësh turpin tim derisa të shkruaj, do të më vijë keq. A e dini pse? Sepse unë, duhet të të kërkoj ndihmë për 100 mijë stërlina dhe nuk e di se si të shpreh mirënjohjen time duke tu përulur. Jo, është e pamundur t’ju them! Më pëlqen më mirë të vdes. Unë ju a dërgoj këtë letër jo me postë, por me një lajmëtar, i cili do të duhet të më kthej dhe një përgjigje. Më besoni, i dashur xhaxhai im, ju shkruan dhe ju kërkon ndihmë nipi juaj më i bindur dhe më i dashur.

(Bukuroshi, Nipi juaj)

P.S. - I kapërcyer me turp për atë që kam shkruar, unë jam duke vrapuar pas lajmëtarit për të marrë letrën mbrapsht prej tij. Por unë nuk mund ta arrijë më atë. Qielli nuk më afron diçka që të ndodhë, për ta ndaluar atë, ose që kjo letër të paktën të humbasë.

(Bukuroshi, Nipi juaj)

Xhaxhai e merr letrën. Ai është prekur nga përmbajtja e saj, e konsideron, dhe përgjigjet:

“Nipi im i dashur, qetësojeni veten, dhe mos u skuqni më tepër. Qielli e kishte dëgjuar lutjen tuaj. Lajmëtari e humbi letrën tënde.

Mirupafshim.

Xhaxhai juaj i dashur.

Aristiri.

 

GJIROKASTRITJA

 

Një grua gjirokastrite mori banesë në Tiranë. Që në momentin e parë, zbriti në lokalin poshtë apartamentit me një gotë ujë, të cilën e mbushte dhe e çonte në apartamentin e saj. Ajo zbriti, menjëherë për një tjetër, pastaj për një të tretë dhe një të katërt. Kur gjirokastritja zbriti për gotën e shtatë të ujit, pronari i lokalit e pyeti:

“Zonjë dukeni shumë e etur. Apo ndoshta zotëria juaj është i sëmurë?”

“Jo aspak”, tha gjirokastritja e qetë dhe në gjakftohësi. Pastaj ajo pëshpëriti, “Hyrja ime ka marrë zjarr, por unë nuk dua të bëj bujë.”

Pronari: Ngriti supet, pa nga kamarierët dhe lëvizi dorën e djathtë lart, si për të thënë se ajo do jetë e metë.

Ajo, pa me bisht të syrit veprimin e tij dhe sa bëri nga dera pëshpëriti prapë, “pse budallaqe më kujton ai, do rri unë të paguaj dhe faturën e ujit!”

Comments (0 posted):

Post your comment comment

Please enter the code you see in the image:

  • email Email to a friend
  • print Print version
  • Plain text Plain text
Rate this article
5.00
Powered by Vivvo CMS v4.1.5.1
...
Powered by Vivvo CMS v4.1.5.1