Newsletter
Email:
Poll: Letërsia
Cili është lloji juaj i preferuar i letërsisë?
Home | PROBLEME | “Lëvizja për Universitetin “, merrni përsipër misionin dhe përgjegjsinë politike kombëtare!

“Lëvizja për Universitetin “, merrni përsipër misionin dhe përgjegjsinë politike kombëtare!

Font size: Decrease font Enlarge font
image Skënder Sadri KAPITI

                                “Lëvizja për Universitetin “, merrni përsipër misionin dhe përgjegjsinë politike kombëtare! 

Nga Skënder Sadri KAPITI 

Protestat e “Lëvizjes për Universitetin” në Shqipëri, si protesta të motivuara moralisht,ekonomikisht  dhe si kërkesa për arsimimin dhe edukimin kryesisht, e kryen rolin demokratik si protesta lirie e demokracie dhe në emër të moralit e të së vërtetës.

 Por, përderisa deri më sot ndaj protestave Tuaja pushteti vazhdon me  mashtrimet, gënjeshtrat ,mospërfilljen dhe arrogancën e tij; përderisa edhe e gjithë politika po mundohet që ta shfrytezojë e të përfitojnë prej hovit të protestës tuaj; përderisa edhe shumica e mediave të korruptuara ,servile të parasë e të korrupsionit materialist e politik “neglizhojnë” me indiferentizmin djallëzor të tyre; dhe përderisa ajo që është më kryesorja dhe që është pro Jush: është opinioni dhe mbështetja e gjërë qytetare nga gjithë Shqipëria e diaspora pavarësisht se prej hallit ekonomik dhe pamundësisë për të qenë me Ju fizikisht në Protestë bashkë me Ju, dhe në mënyrë që protesta nga “lodhja” dhe nga rreziku i mundshëm që Ju vjen nga e gjithë  politika dhe elita e keqe dhe e dëmshme kombëtare e derimësotme, do të ishte mirë që ju si studentë të merrni përsipër përgjegjsinë politike kombëtare për ta ndëshkuar të keqen më të madhe kombëtare e cila është elita politike e derimëtanishme në Shqipëri .

 Kjo sepse: kjo elitë politike është autorja jo vetëm e gjëndjes së rëndë të akademisë arsimore, të edukimit dhe të asimimit dhe të universitetit publik në Shqipëri ,por kjo elitë politike është shkaktarja kryesore që Shqipërisë dhe shqiptarëve u kanë ardhur dhe që vuajnë ekonomikisht, që vuajnë prej padrejtësive politike, ekonomike, arsimore, juridike, intelektuale dhe që vuajnë prej papunësisë e varfërisë, dhe që janë të detyruar të marrin rrugët e eksodit. 

Ju duhet ta merrni përgjegjësinë politike si forcë e re politike për t’i shërbyer jo vetëm vetes tuaj , por tërë shoqërisë shqiptare e cila tashmë ka besimin dhe shpresën te Ju. Me të drejtë as Ju dhe as shoqëria shqiptare nuk kanë më bësim as te ndërrimet e ministrave, as te arnimet qeveritare dhe as te asnjë forcë politike që synon të riciklohet në pushtet, pra nuk kanë besim te kjo elite politike. Kjo sepse problemi i Rinisë  shqiptare universitare dhe i tërë shoqërisë shqiptare është si problem kryesor elita politike, e cila duhet të ndëshkohet e të skualifikohet politikisht në mënyrë demokratike  me protesta paqësore, me mosbindje civile dhe me angazhim politik si forcë apo lëvizje e re politike.

Comments (1 posted):

Eshref Ymeri on 08/01/2019 10:30:53
avatar
I dashur Skënder,
Keni plotësisht të drejtë. Lëvizja studentore duhet të krijojë një formacion të ri politik, sepse trekëndëshi PS-PD-LSI është trekëndëshi i varfërimit të pandalshëm të pjesës dërrmuese të popullit shqiptar, është trekëndëshi i nënshtrimit skandaloz para grekosllavizmit, është trekëndëshi i servilizmit flagrant para brukselizmit, pra, është trekëndëshi i tradhtisë kombëtare.
Me respekt dhe mirënjohje.
Eshref Ymeri
Tiranë, 08 janar 2018

Post your comment comment

Please enter the code you see in the image:

  • email Email to a friend
  • print Print version
  • Plain text Plain text
Rate this article
5.00
Powered by Vivvo CMS v4.1.5.1
...
Powered by Vivvo CMS v4.1.5.1