Newsletter
Email:
Poll: Letërsia
Cili është lloji juaj i preferuar i letërsisë?
Home | POEZI | Cikël me epigrame

Cikël me epigrame

Font size: Decrease font Enlarge font
image Viron Kona

Cikël me epigrame nga Viron Kona

 

 

             Lojë

Liderët thonë politika është lojë,

shah, kukafshehtas, ngriva-shkriva,

të drejtë kanë, për mbretërit lojë është, 

se ata që e pësojnë janë me mijëra.

 

Kalorësi dhe kali i tij

 

Nëse tregohesh më i vëmendshëm,

dhe i vlerëson gjërat me mprehtësi,

kupton se ai që po të tërheq frerin,

është kalorësi. Ti je  kali i bindur i tij.

 

 

Një çakall vesh ngrehur pret

 

Hap sytë kur t`kalosh rrugën,

gjarpri të del në çdo shteg,

dhelpra pëshpërit me ujkun,

një çakall vesh ngrehur pret.

 

Kjo botë qenka e çuditshme,

për dikë e keqe, për dikë e mirë,

s`gjen qetësi, lëviz pareshtur,

n`gjysmë dritë, n`gjysmë errësirë.

 

 

Përrua në vërshim

 

Ikin vitet porsi re,

ca si pupla, ca me shi,

ca me krisma vetëtimash,

ç`pate që erdhe pleqëri!?

 

Vitet jo, or jo nuk mbahen,

as me kavo, as  me zinxhir,

ikën jeta, miku im, 

si një përrua në vërshim.

 

Ndaj një gjurmë dhe ne ta lëmë,

qoftë një dritëz në errësirë,

kur t`na përcjellin për ne të thonë:

Lamtumirë, o njeri i mirë! 

Comments (0 posted):

Post your comment comment

Please enter the code you see in the image:

  • email Email to a friend
  • print Print version
  • Plain text Plain text
Rate this article
5.00
Powered by Vivvo CMS v4.1.5.1
...
Powered by Vivvo CMS v4.1.5.1