Tre dallgë kapërcyen Detin

Tre dallgë kapërcyen Detin

(Miqësisht Vasil Qesarit)

Fatmir Terziu

Tre dallgë kapërcyen Detin

Lanë pas stërkala Blu mbi Vlorë

Në ikje mbajtën strukur amanetin

Ca gërma shtrënguan në dorë.

Me zogj shtegtarë gjetën gjuhën

Teksa qëndisnin në ekranin Blu

Sfidën, zhgënjimin, rrëmujën

Që e gdhëndën më pas në tru.

Tutje, matanë La Manshit

Një fllad godet pa fre

Stërkalat ndalin marshin

Nën qiellin plot re.

Bashkohen mbi telajo

Në një sfond rreth Bordosë

Simbad Detari plot kurajo

Udhërrëfen vitet kah Metrosë!

Kamera në sup c’i mbeti

Mikja e tij dhe në gjumë

Përfitojmë nga sebepi

T’i urojmë 100 vjet më shumë!