Newsletter
Email:
Poll: Letërsia
Cili është lloji juaj i preferuar i letërsisë?
Home | POEZI | “LUK”- u i MASKAVE

“LUK”- u i MASKAVE

Font size: Decrease font Enlarge font
image Iliriana Sulkuqi

ERËRAT E STINËVE…

“LUK”- u i MASKAVE

(O varri im, ku je?
E vetmja prehje 
pa dhimbje që dhemb
brenda strehës se vet…)

1.
Çevov,

“Vallëzova” me ty
në “ballot me maska”,
ku dashuria fshihej drithëruar 
dhe valsi dehej i lumtur…

Çevov,
sot, 
të gjitha dashuritë
tremben nga maska Halluin-i,
sapo bie nata e turbullt…

Falmë,
nëse nuk të gjej dot…!
… 
U takofshim në qiellin tonë…

2.
Pickatorja…

Asnjëherë nuk të përdora për vetullat,
por gjithënetëve 
mes dy gishtrinjve të mpirë
më duhet të të shtrëngoj… 
Ca gjemba, 
në të vrapuar të ditëve,
kur shpirtin ma shpojnë -
vetëm ti,
m’i shkul me gjithë rrënjë…

3. E shkuar pa…

Ta rrëmbeva mendimin
ende pa zbritur
në përplasjen e fjalëve 
midis buzëve
ku formëzohen pikëpyetjet
si kërrabëza akulli…

E shkuar-
pa të tashme, pa të ardhme…

PËRNGJASJE…

(Faleminderit Zoti im
për kopështin zoologjik,
ku ne, vdektarët
shihemi si në pasqyrë…)
1.
Majmun,
ah, sikur të isha vërtetë si ti,
degë më degë të kësaj bote të përgjumur
do të thërrisja: qënkeni bërë si unë…

2.
Gamile(Devè),
Sa më ngjaka me ty, moj e mjerë,
Vendi im.
Mbi shpinë i mbetën mbretër,
diktatorë, miliarderë…

Mos u trashëgoftë thatësira ku ti shkel, 
ASNJËHERË…

3.
Papagall,
Pse bëhesh gjysma ime brenda meje,
pa lejen time, më përflet me zë të lartë…? 
Jashtë, nga vetja ime përballë meje, jashtë…
Me statusin e heshtjes më pret një varr.

Iliriana- sot e përgjithmonë,
Brooklyn,NY,10janar 2019

Comments (0 posted):

Post your comment comment

Please enter the code you see in the image:

  • email Email to a friend
  • print Print version
  • Plain text Plain text
Rate this article
0
Powered by Vivvo CMS v4.1.5.1
...
Powered by Vivvo CMS v4.1.5.1