Newsletter
Email:
Poll: Letërsia
Cili është lloji juaj i preferuar i letërsisë?
Home | POEZI | Cikel poezish nga Peso Pemza.

Cikel poezish nga Peso Pemza.

Font size: Decrease font Enlarge font
image Peso Pemza

 

Cikel poezish nga Peso Pemza.

 

 

Vjen nje dite

dhe vjen nji ditë 
kur zojtë e kujtesës do t'rrallohen
e dhambëve të tretë
do t'na teprojnë thërmitë
peso@

 

Molla

që n'kafshimin e parë
qëllimi i mollës është 
të mbetet në fyt burri
sa për të treguar
se t'gjitha gratë janë Eva
peso@

 

Me pejza zoni

me pejza zoni
enda perde xhomi
mos t'shoh natanë
ta dish
prej fjalve germat i kom prish

edhe me t'dashtë
ma s'muj me t'thon
pasha këtë gojë
bashkë me kukutë
si shtalpin e butë
guhen e hongra ner dhom
peso@

Top of Form

 

 

 

N’bunar te synit

n'bunar t'synit m'ke ra
a me t'nxjerr me tomel t'gjinit
medaloin rreth qafe me t'bajtë
a me lot për t'dekun me t'kajtë

kallxo ashiqare
se ka njerëz
qe i peshon gjithë jetën n'trup
thuj se çmendunia nuk a marre
peso@

 

 

 

 

 

Me vizatoni

po zbardhem
nëse m'vizatoni
s'ju duhet tjetër
vetëm thëngjill dhe letër
peso@

 

Vdekja


para se të krijonte zoti vdekjen

u dasht t'i krijonte kafentë dhe kurvat
që t'përfundonte e dehur në dhomën e knaqësisë
madje u dasht ta bënte më të mençur
që ta lajmëronte ardhjen
me zile apo shkresë
ose me zhurmën e hapave
s'paku do ta prisnim më mirë
çfardolloj gjëje do ti ipnim
përveç shpirtit
peso@

Dhjetor

Asht dhjetor
dita soset pa u puth me dill
nata digjet me nge
n'fitil t'qirijve
veç korbave 
edhe do vremça sa gishti
tjetër shpend s'ka mbetë
strofullit t'veshit
ju kujtu ai zog n'koshin eshtak
I vetmi që s'ka shtegtu
I vetmi që knon pa shkak
dhe shkoj e ra mi thuprra t'palume
tuj m'su përmenç
tana kangtë e paknume
asht dhjetor
fishkëllinë gabzherr i oxhakut 
prej fryme t'thatë
që si le ven as blozes t'shkrumume
ma vidhka gjumin sa me m'kujtu
se ngjaka 
n'vaj t'gruaje të lshume
asht dhjetor
peso@

Top of Form

 

 

Pemët

tani e di se zhveshja tyre 
nuk u shërben për të ekspozuar foletë e braktisura
por për skeletin e tyre të përsosur
as unë nuk do bëja ndryshe
sikur mos t'isha pemë endacake
peso@

 

Sorkadhja

nga gjahu kthehej me drerë të vrarë 
ndërsa mua më thërriste sorkadhe
peso@

 

Ra borë

ra borë
do të vonohen të gjithë postierët
atyre që iu shkruan vdekja
do të jetojnë një ditë më gjatë
një tjetër një ditë më vonë

do të vishet me rroba zije
njëri do të besoj një ditë më shumë në dashuri
dikush do ta mallkoj borën
për letrat e padërguara që s'vinë

ndērsa unë postierët vonestarë
do ti ngrijë me borën e parë
peso@

 

Dilema

s'di ku me t'vnu
n'cilën kohë
përtej harrimi a fluturimi
apo me t'varros
si ustai instrumentin
n'stinë zojsh
qysh s'mbete s'paku gjysmë pallte 
qoftë edhe me ni krah
tjetrin do ta baja prej balte
gjysmë këpuce
me t'shkelë me t'butë themrës
apo gogol 
me t'mjell n'arë t'zemres
qysh s'mete as pikë n'sy
gjysma jeme u zbraz prej ty
peso@

 

Shiu

Më çoi deri në kënetë ky shi
tani e di si vajtojnë kallamet
në erë
dhe si është malli për ty
peso@

 

Prishtinë

Prishtinë
me kast të mbajnë smutë
gabim ta shkruajnë diagnozën
me t'izolu n'karantinë
t'veshin me rroba t'hirta
me u dokë e plakë
t'fajsojnë ma lehtë
kjo s'di ti rris f'mitë
prej se e mbaj mend
sa herë tu ngjitën kofsheve
ta goditën krytë
peso@

Top of Form

 

Mbetem pa krushq

t'pata sheju si lisin plak n'vjeshtë
që e shtrijnë gjon e gat
si djalin ma t'mirë t'fisit qe e vrasin për gjak
kallxo
n'cilin rremb t'ra peni i kuq

që metëm pa krushq

peso@

 

 

I ithëti i bërthamës

s'foli ma butë
se kom mrri
te t'ithtë e bërthames
kjo shije që t'bon me harru
mishin e secilit frut
peso@

Zbardhja gojën

mos kaj fisnike
se s'o n'dorë tone 
me i m'su strehtë me pikë
n'paç gji 
zbardhja gojen naj fmije
peso@

 

Comments (0 posted):

Post your comment comment

Please enter the code you see in the image:

  • email Email to a friend
  • print Print version
  • Plain text Plain text
Rate this article
4.00
Powered by Vivvo CMS v4.1.5.1
...
Powered by Vivvo CMS v4.1.5.1