Newsletter
Email:
Poll: Letërsia
Cili është lloji juaj i preferuar i letërsisë?
Home | POEZI | Botërori dhe parlamenti

Botërori dhe parlamenti

Font size: Decrease font Enlarge font
image Petrit Malushi

Nga  Petrit  Malushi 

 

Botërori dhe parlamenti

 

Me emocione na mbush Botërori

Ngjeshur stadiumet, ngarkuar plot

“Vallzohet në fushë,… Bukur e mori,…

Predhë lëshoi,…Gool !… S´pritej dot !…”

 

I them djalit “S´është marrëzi,

Tek mbërthyer rri para ekranit…”

Ndeshje  shikoj një, dy e tri,

Pa u shkëputur prej divanit. 

 

Ma kthen i qeshur, si përherë, 

“Botërori  duhet falenderuar,  

Me parlamentin lidhjet na ka prerë,  

“Bëmat” e tij na kanë munguar…” 

  

Përmbysje  

 

Xham i lustruar,     

Fushë e zezë,           

 Ekran fjalaman…                            

 

Figurë përmbysur

E zë kallaisur,

Pas çdo fund mandati…  

 

Papagall  pushteti, 

Megafon politike,

Servil  interesash...                                                                                                                                                                                                                                                                                  

 

„Autopsi“

 

Në fundjavë, një deputet,

Bashkë me të, një pushtetar 

S´u ndienë mirë me shëndet.

Rendën ndihmë për të marrë.

 

Me kujdes dhe shumë merak,

Mjekë e mjeke i trajtuan. 

Kokë, këmbë, shpinë e bark 

Nga dy herë ua vizituan.

 

S´u ndalonin të pështjellat,

Tensioni përmbi njëzetë,   

Në gryk´  u vinin të vjellat,

Vështrimi, si llampë e zbehtë...

 

Vulë kërkonte situata,

Në skaner kaluan të dy.  

Valë të shkurtra e të gjata 

Ua përshkuan kockë  e tru. 

 

 Përfundimi doli prerë :

„Mbingarkesë  nga profesioni,

Sakrificë, stres për të tjerë ...“ 

...Brenda virus, korrupsioni !

 

“Ulje”

Detyrimet e muajit për energjinë                                                                                         I mbylla sot, ujë e telefon.                                                                                                     Kërrusur faturat nga shifrat rrinë,                                                                                             Portofoli ankohet edhe rënkon. 

Rritje !!! Pse ?? Kërkoj shpjegim.                                                                                                      E urta punonjëse kthen përgjigje :                                                                                               “ Ja data,…numri,…ky udhëzim…                                                                                               Shtesë për klientët,…  të reja ligje…”                                                                              

Përflakërohem fytyrë e duar.                                                                                                     Engjëlli përballë nuk ka faj.                                                                                                       Për “ulje” krrokatin pa pushuar                                                                                    Pushtetshaluarit, si papagaj.

Comments (0 posted):

Post your comment comment

Please enter the code you see in the image:

  • email Email to a friend
  • print Print version
  • Plain text Plain text
Rate this article
0
Powered by Vivvo CMS v4.1.5.1
...
Powered by Vivvo CMS v4.1.5.1