TRI POEZI PËR NËNËN

1.

Mbi djep të drunjtë, rrëzë një mezhde,

Piva gji nga ty,

Dega e lulëzuar e një pjeshke,

Lule më pat shkundur përmbi sy.

Piva gji e mora lëng prej arave,

Mora ç`mund të marrë një fëmijë fshatari,

Tani ,për ty  nënë, dua të jem flladi,

Që të freskon rrudhat tek balli..

2.

Nga bredhjet e mia,

Dhe nga prapësitë,

Gëzohej,

Merakosej,

Nëna.

Herë e plotë,

Herë,

Si gjysmëhëna.

3.

Ja, u pamë…po iki,

Mos ik, më thoshe ti,…,

Rri dhe pak kohë..agimi…

Do edhe ca të mbërrijë…

Dhe u nisa nëpër terr,

Se duhej të ikja,

Yjet që ndizeshin nëpër re,

Më dukej se i fikja…