NË ËNDRRËN TIME…

Në ëndrrën time,

që s’është më  ëndërr.

Je Princ i kaltër, Unë – Hirushe.

Ti - dhëndrri im drithëruar,

Unë - nusja jote, buzëprushe…

Në ëndrrën time,

që s’është më ëndërr.

Me krahë zogjsh ti i thur letër,

Zemrës sime që shekujsh endet,

Të të kërkojë në kohë tjetër…

Në ëndrrën time,

që s’është më ëndërr,

Ti vjen e ikën, ikën, vjen.

Një puthje lë tek cepi buzës,

E kraharorin ma rrëmben…

©Suzana Zisi

Vellimi poetik “Imazhet kane ftohte”

ShB “Toena”

Tirane 2006