Të bindësh vetveten

Edmond Shallvari

Edmond Shallvari

E di që thërras deri në çmenduri
Deri në çmenduri të heshtjes, hesht
Më shumë se ty e dashur, veten dua të bind
Dhe sikur çmendurinë, më shumë ta çmend.

Lemë ashtu, çmendurisht ca çaste
Inejktomë të lutem, vetëm një buzëqeshje
Të bësh moralistin është e lehtë fare
Por qenka çmenduri, të bindësh vetveten.


Mesazh dashurie

Nuk mundet, jo, kjo natyrë
Të më japë për Ty diçka të ngjashme
Ti je e përkryera në trup e fytyrë
Ku s'të afrohem dot as me vargje.

E megjithatë unë i ashtuquajturi poet
Posi bleta që bredh lule më lule
Nektar fjalësh spërkas nëpër flet'
Të mjaltoj pamjen tënde të përkryer.


Ti më erdhe krejt papritur kalëruar

Kur mbarova një mesazh në celular
Dhe klikova numrin tënd për adresë
Celulari si pëllumb u bë me krah'
Unë si princ i dashuruar me princeshë.

Ti më erdhe krejt papritur kalëruar
Më e shpejtë se pëllumbi dhe se era
Buzët dhanë shpejt përgjigjen e bekuar
Dashuria në çdo kohë lind princesha.