GLOBIN ma bëtë të vogël, Shqipërinë - të MADHE
Font size:
Iliriana Sulkuqi
Iliriana Sulkuqi mes loteve per nënën
-Falenderim për ngushëllimet -
GLOBIN ma bëtë të vogël,
Shqipërinë - të MADHE
-Falenderim për ngushëllimet -
Të shtrenjta mike, simotrat e mia, sivajzat apo sinënat;
Të dashur miq, kolegë, sivëllezërit apo sibijtë e mi;
Të nderuar dhe të mirënjohur bashkëqytetarë, bashkëkombas, bashkëmërgimtarë, bashkëndjerës në malle, dhimbje, shqetësime, gëzime... : - Faleminderit!
Faleminderit nga unë dhe familja ime!
Faleminderit thellësisht nga shpirti, për ngushëllimet tuaja në këto ditë të dhimshme për humbjen e Nënës sime! Gjithë gëzimet e botës, qofshin pranë vatrave tuaja familjare, pranë njerëzve dhe miqve tuaj të shtrenjtë!
Të gjithë JU, që nuk rreshtët së telefonuari;
Të gjithë JU, që "erdhët" pranë "strehëzës" sime internetike me fjalë shpirti, ilaç që s'ka laborator t'i prodhojë për plagë të tilla;
Të gjithë JU, që m'u gjendët ballë për ballë dhe sy më sy, për të më fshirë lotët me fjalët tuaja;
Të gjithë JU, shpërndarë në qindra shtete e qytete të Botës:
-Ma bëtë Globin të Vogël dhe Shqipërinë të Madhe.
Të Madhe sa zemrat e Nënave.
Të Madhe sa Përjetësia e Tyre.
Faleminderit, të gjithëve Ju , o Gëzimndjellës!
... Kur më pyetën njëherë, gjatë një interviste në media, se cilat ishin (sipas mendimit tim), gratë e shquara të botës - jam përgjigjur në sekondë: "Nëna ime".
Sigurisht që unë përgjigjen "Nëna ime" e kisha për secilin nga JU, sepse për secilin nga Ju, "Nëna Ime" është më e mençura e botës, është gruaja më e shquar, është mësuesja e Merituar, e papaguar, nga dita e lindjes derisa...mund të jesh plakur edhe vetë...
Ikja e Nënës , të bën të madh (e), kur të le të mitur. Ikja e Nënës të bën të vockël, kur je i (e ) rritur... Por , duhet pranuar Ikja... , si një shtegëtim drejt Prehjes...( Sa të lodhura paskan qenë nënat!... Sa shumë nevojë kishin të pushonin...!).
Më falni , miqtë e mi, të familjes sime dhe të shpirtit tim! Por, duke ju shkruar këto pak fjalë, doja t'u bëja homazh Nënave të ikura;
Dëshëroj të uroj të gjitha Nënat, që janë njëherësh Nëna për të gjithë miqtë e fëmijëve të tyre :-Gëzofshin fëmijë , nipër dhe mbesa! Jetofshin aq, sa të përcillen me këngë!
....................
Sot , këtu në Brooklyn(NY), papushim ka rënë borë...
Sa fjolla dëbore - aq gëzime paçi nëpër vatrat tuaja familjare, miqtë e mi!
Faleminderit, për të njëmijtën herë, për praninë tuaj të herë pas hershme!
Ua shpërblefsha në gëzime!
Jam dhe do të jem pranë jush edhe në shqetësime (qofshin sa më të vogla)!
JU përqafoj me mall, duke ju qenë mirënjohëse brez pas brezi.
përgjithmonë - Iliriana dhe FAMILJA
Brooklyn, NY, 26 shkurt, 2009
Add to:
del.icio.us |
Digg
del.icio.us |
Digg
Email to a friend
Print version
Plain text
Rate this article
Mes dhimbjes suaj
Fatmiri
Me dashuri e respekt Suzana
Post your comment