Newsletter
Email:
Poll: Fjala e Lire
Si ndiheni tek Fjala e Lire?
Home | ANTOLOGJI | Nuk bëhesh i madh!

Nuk bëhesh i madh!

Font size: Decrease font Enlarge font
image Kadri Tarelli

Nuk bëhesh i madh!

 

Nuk të bën shqiponjë, mali ku je ngjitur,

As gjel kokosh, plehu ku ke hipur!

Nuk të bën të zgjuar, karige bythës qepur,

As bukurosh, kostumi i shtrenjtë gjetur.

            Edhe trim s’të bën, shpata brezit ngjeshur,

            As dhëndër s’të nisin, rrobat që ke veshur.

Nuk të ve në qoshe, qeleshja mbi kry,

As krushk nuk të çon, ballukja mbi sy.

S’të bën filozof, mjekra gjoksit zgjatur,

As të ditur syzet, përmbi hundë mbajtur.

Shitsi në dyqan, s’i shton mallit vlerë,

mendjemadh me huqe, kush ka për të blerë?

Mos u mburr më kot, nga lartësi e shtatit,

punëtor nuk të bën, bishti i gjatë i shatit.

As të madh të mban, emri mbetur fisi,

Vetë kërko diellin, mos pre dega lisi.

Veset s’të çojnë lart, po munde ti prishi,

Keq, kur të tundon, mishi, goja, binishi.

Me hije mëngjezi, veten pse e mat?

Mos u qaj më kot, s’të ka kush inat!

Hip në shpinë të bletës, të shijosh nektarin,

Veç me punën tënde, ti e ndez pishtarin.

Po e ndoqe mizën, vajte në bisht të kalit.

Pa mund, vlera e dije, kot i qepesh malit.

Të moçmit na thonë: shëndet, dije, punë!

Ti mos lakmo hijen, se të mban në gjumë.

Veprat lenë gjurmë, bëjnë histori,

Ato flasin vetë, gdhendin madhështi!

 

Kadri Tarelli

Durrës  më 19, të korrikut, 2017.

 

 

Comments (1 posted):

xhevahir cirongu on 20/07/2017 10:20:06
avatar
Z. Kadri!

Lexova me shumë vëmendje poezinë tuaj. Gjetje e bukur, kohore, at gjen edhe tharmin e satirës e të lirikës filozofike etj. Sinqerisht, bukur mik!Urime!

Miqësisht,Xhevahir Cirongu, 20 korrik 2017

Post your comment comment

Please enter the code you see in the image:

  • email Email to a friend
  • print Print version
  • Plain text Plain text
Rate this article
0
Powered by Vivvo CMS v4.1.5.1
...
Powered by Vivvo CMS v4.1.5.1