Newsletter
Email:
Poll: Fjala e Lire
Si ndiheni tek Fjala e Lire?
Home | ANTOLOGJI | PËR SHKAK TË MËRISË...

PËR SHKAK TË MËRISË...

Font size: Decrease font Enlarge font
image KRISTAQ TURTULLI

KRISTAQ TURTULLI

PËR SHKAK TË MËRISË...

fragment poeme


Për shkak të mërisë
Ndaj varfërisë.
Dëgjoi zërin e verbër që i pëshpëriste:
E dëgjove?

Hamalli e bëri ylberin benevrekë.

Mijëra dëshira janë ndehur në re.

Përbuzjen e ndjen në damarë e në faqe.

Përse e ruan virgjërinë budallaqe.

Më lavdëron ndershmërinë njerëzore,

Kur ajo mund të zhgërryhet nëpër orizore?!

Predikuesit e mirësisë dremisin te hyrja e një ure.

Merre siç të vjen budallaqen jetë...

 

Nuk dëgjoi kur iu lut i ati të qëndronte.

Bijë, pa bukë nuk jemi, dy pensione i kemi. 

dhe godiste bastunin në dysheme.
E ëma lidhte dhe zgjidhte shaminë.

Dhe shtrydhte mbi filxhan hajmalinë.

Koha ndryshoi mantelin e ftohtë.

Hodhi piper të zi

mbi zemrën e ngrirë.

Ajo me vrundull bërrylin ktheu 
Iku.
Në sy kish reshje shiu.
Harroi të mblidhte në shami bekimin e nënës,
Si thërrimet e bukës.
Të mbushte xhepat me frymën e ngrohtë të shtëpisë.
Të merrte me vete disa ndërresa të vajzërisë
Fotografinë e vogël me gërsheta të fëmijërisë,
Dhe arushin e bardhë...


Kanati i derës u përplas me zhurmë.
Era e marrë ulërinte,
Flokët e verdha iu mbështjellën me shaminë e brymtë.
Koka prej mendimeve i rëndonte.
Nuk kish më përflakje të gjetheve...
Buzëmbrëmja dimërore 
Gërmuqej teshtinte,
E lodhur u mbështet në patericat e drunjta të shpresës.
Thërrmoi sekonda dhe minuta.
Plaka fqinjë shkuli faqet e rrudhura
Dhe me zhurmë shkundi teshat e vjetra.
Era e paduruar cimbiste rrugicat e ngushta.
Për shkak të mërisë
Ndaj varfërisë
Nga sytë këmbët,
Iku,
Shtëpia kërciste, ish vjetërsirë.
Mbështjellë me mugëtirë.

Comments (0 posted):

Post your comment comment

Please enter the code you see in the image:

  • email Email to a friend
  • print Print version
  • Plain text Plain text
Rate this article
0
Powered by Vivvo CMS v4.1.5.1
...
Powered by Vivvo CMS v4.1.5.1